先多謝🙏🏻咁多位ee😊嘅打氣鼓勵💪🏻！
Adele 今早完成手術啦，已經醒返好耐！不過，仍休息中。😊
妹妹今朝真係非常勇敢💪🏻💪🏻💪🏻，出發推去手術室嘅路程中一直都無喊，完全感覺到佢同媽媽一樣用盡全力忍耐住心中嘅不安。
到媽媽正式陪佢入到手術室做麻醉前，佢終於忍唔住大喊出嚟😭，手術室嘅麻醉科醫生、姑娘都好好不斷讚佢已經好叻好乖，亦出盡方法安慰佢，更俾我陪佢直到正式麻醉藥生效之後至帶我出去等。
非常感激！🙏🏻
手術時間不長，一個多小時好快就過。媽媽盡力以平常心看待不想太多，應姑娘見意食咗個快早餐🥣。
返到手術室門口，當時只有我一人在等待，並無其他手術病人嘅家屬，感覺特別孤單。
手術室門終於打開叫嘅正是妹妹嘅名字☺️，我立即跟姑娘指嘅方向走去等待另一道門打開。
入到去甦醒室妹妹雖然醒咗但神志仍然迷糊，不過佢一見到我已經大聲喊到收唔到，媽媽知道佢好需要抱抱，經醫生許可🙂姑娘俾櫈我坐下抱住佢🙏🏻，再次感激！佢喊得更大聲😅，抱住佢嘅同時醫生講解咗手術細節同表示非常成功👏🏻👏🏻😄。
🙏🏻🙏🏻多謝！
16/5 13:56 我地仍在醫院🏥，😊妹妹睡覺中！
PS: 今次入院發現兒童病房，原來每日都有Playright 嘅哥哥🧑🏻姐姐👱🏻♀️嚟同小朋友玩遊戲🎈或者做手工🖍。覺得呢個服務好好，令小朋友減少咗好多憂心同不安☺️。
謝謝遊戲哥哥姐姐🙏🏻😊
尋日哥哥扭氣球🎈、姐姐同佢玩手術遊戲同整鯨魚🐳夾。今日姐姐再嚟同佢整手鈴🙂。
.
.
.
.
.
.
#醫院 #手術 #畫畫 #手工 #遊戲 #勇氣 #成功 #乖乖
Search